| 個人檔案Mandinism相片部落格清單 |  工具  說明 |
Mandinism好き、だから好き。 |
||||||||
|
2009/11/30 認證好開心呀! 今日終於都攞到我張身份認證卡喇! 琴晚我第一次試將成套制服著晒上身, 感覺......好核突, 而且仲差一張卡添......... 但今日去攞卡果陣, 見到有一班人著晒full-gear上身, 感覺又唔核突喎, 仲有d型添.......哈! 呢d咪係團結既力量囉! 到今時今日, 我都仲未有Duty-roster, 搞到巴利sir同人事部既人都好緊張, 咁.....我星期五究竟洗唔洗開會呢? 希望快d出到啦!
攞完卡, 又要飛奔去攞埋兩張cert, 證明我真係讀過日本雲化嘛! 本來想再去埋新城市搞d野, 但好攰, 聽日上完course先啦~ 聽日我又去上course喇, 但我諗又係d悶到嘔既course......admin.....唔係我專長.........
 <---最後我係可以去"ALL ZONE"!?2009/11/29 戀愛總是平靜地意外發生呢個星期開始盡量relax, 因為黎緊個十二月我將會好多野做(好似)........雖然話係relax, 但亦都係好忙, 忙定下個星期我唔返工d野。
首先, 我第一次因為自己既關係編唔到更表, 我真係唔知下兩個星期我會點返工。跟住就係將先前影左既畢業結婚旅行相, 分發番俾相關人仕。仲要預留時間去簽領我張東亞運工作證同一d相關物品, 又要實地培訓.......最後, 就到relax既時候喇~ 我同我最好朋友小玉靚女去左長隆動物園呀!! 好開心呀! 真係好多動物睇呀!! 多謝小玉陪我一齊去玩~ 希望佢身體健康, 快d變返活活潑潑啦~
今日呢.....多謝敏賢啦! 佢同我去睇《戀愛總是平靜地意外身亡》舞台劇, 響葵青劇院, 好好睇! 我會俾99分! 一路睇我就諗起一個人......邊個? 應該有朋友會估到.......估到都無用, 真係好想知咩叫緣份??
「戀愛總是平靜地意外發生.........有發生過嗎? 抑或是我想得太多?」 2009/11/23 開心文迪呢幾日好開心呀~
星期六(21/11), 原有個電話終於無聲, 即係大大個藉口俾我買mini啦! 哈! 夜晚又練左幾首好好聽既歌, 係朋友既話遲d黎青衣城睇我唱歌啦! 哈!
星期日(22/11), 去左CityU同阿Luk影畢業相, 好開心好好玩呀! 希望佢會鍾意我專登響網上訂既禮物啦~ 恭喜恭喜! 夜晚去飲Joyce果餐, 又係恭喜恭喜!
今日, 星期一(23/11), 攰到嘔! 但返工係咁玩新電話, 仲俾何sir話我好忙碌添.........跟住msn小玉約我今晚食飯, 雖然好攰, 但好想見佢, 原來佢仲約埋jason, 百百佢地, yeah~~~~ 好攰, 但見到佢地就好開心, 朋友嘛~ 2009/11/19 拍賣場已經涷左幾日, 唔知點解好鍾意咁涷......可能我就係一個cool既人卦!?
今日上網見到一樣野, 好鍾意好想買, 跟住就第一次響網上拍賣場買野。同個賣家響網上傾掂數, 然後留左個電話傾埋點交收, 就係咁簡單! 因為我話想快d要, 佢就約好今日放工響地鐵站交收, yeah~ 終於到手喇!! 我真係無見過街有得賣架!! 我原本係想買一隻, 但佢又話一定要買一套, ok, 買一套啦! 同埋, 估唔到賣家都幾靚仔下喎! 哈! 2009/11/11 好......開心呢幾日發生左好多好多好開心既事。但亦有一件我唔係咁想聽到既事, 不如講晒d開心事先啦!
7-Nov: 同梅仔去大埔燒野食, 好耐無BBQ, 感覺特別開心, 但如果小茜同佢個黑蚊蚊BB都黎就好喇~
8-Nov: 麗英結婚呀! 我地阿摩司人玩得好開心呀! 祝佢地有個幸福美滿既家庭啦!
9-Nov: 之前一晚玩得太開心, 所以拖住個軀殼返工, 唔頂得幾耐! 所以即刻請左下晝假, 順便去拎埋套制服, 制服超級核突!! 番到屋企諗住訓下覺, 點知又變左大掃除, 我之前買得太多野喇~
10-Nov: 返工一坐低, 接到阿Kat電話, 唔想聽到呢個消息, 點解會咁架??? 珍惜眼前人! Cher, 多謝你之前對我咁好, 雖然我再無機會報答妳, 但妳既笑臉永遠都響我個腦入面! 大家真係要珍惜眼前人呀~!
11-Nov: 返工勁多野做, 好彩有偉華咋! 都話呢個office好warm架啦~ 早兩日康sir又幫我搵左個新mon, 呵呵! 臨放工響facebook見到阿Ken行山相, 幾靚喎! 佢唔係調左更今日都行唔到山, 哈! 聽日返工讚下佢先! 2009/11/6 幸福辦公室今日F無返工, 感覺真係好舒適, 死啦! 我唔可以討厭佢架, 佢係我唯一一個partner黎架! 但佢唔響度既日子真係好開心架, 個個都會對我好好~ 今日連巴利sir都同我傾偈, 真係好開心!! 我越黎越覺得巴利sir好好人, 自從我上幾個星期被壓力壓爆之後, 佢成日都會同我講：「有咩同我講, 我一定會幫你解決!」真係好man呀~! 哈! 康sir又教我改懶音, Madam K又請我食雪榚, 好幸福呀~! Lunch行過七仔, 見到一本雜誌只係$72, 仲送埋一個BEAMS小袋仔, 仲要幾靚下喎! 橫樹都想買本fashion mag, 又可以幫Madam K儲印花, 買啦~!  2009/11/4 回復好心情呢幾日返工好似無咁忙, 心情都舒暢左! Yeah~ 又可以吹下水, 管理下我塊田, 同埋管埋下我新玩既cafe啦~ 我真係addicted to facebook~
今日放工Jenny話佢黎左灣仔準備上堂, 約我飲杯野, 真好!! 因為我今日都要上堂, 一齊坐低吹下水先都好喎!! 傾左一陣, 又試下佢部九十七, 我........買唔買mini好呢?? 挨風真係唔係我杯茶, 再諗下~ 2009/11/1 心肺功能前兩日無跑到步, 今日點都要去打波!! 要運動呀~!!! 今日響球場遇到阿迪, 打左個招呼就算~
雖然話做左運動, 但打完波又係食好多野, 仲加埋糖水, 唉.......但我諗都會鍛鍊到心肺功能卦........
p.s.林先生真係一個非常funny既人, 笑足成晚! 2009/10/30 做運動?做運動? 真係諗住做下運動架! 但琴晚成三點先訓, 我驚再去跑步會暈低。但又好搞笑, 朋友們都跑唔成, 呵呵~ 最後一行四人去左大快活打邊爐, 都幾開心丫~ 哈哈! 原本係想做下運動健康d, 而家仲去打邊爐飲汽水..........well.......... 2009/10/27 一個無用鬼或者我真係太多野做喇, 我今日又係咩都食唔落, lunch響楊記只係叫左一碗墨丸河, 好辛苦先至食到半碗。我真係覺得返工好大壓力, 今日同Madam K講起都忍唔住流眼淚, 唉吔! 好失禮呀!!! 我真係好無用, 好似樣樣野都做唔好咁, 我真係好努力架喇...........點都好啦, 多謝Madam K~! 多謝阿榮~! 多謝羊咩sir~!
不過今日都有個好開心既消息, 我可以攞「柯花歪士得absence」去做東亞運呀, it sounds good~! 我要堅強d, 努力d~!
|
|
||||||
傳送私人訊息
訂閱 RSS 摘要
告訴朋友
新增至 Live.com
新增至您的朋友網路
註冊通知|
|
